Rêveberê bingeha tendirûstiya kampa Domîzê, Dr. Bextiyar Ehmed ji Rûdawê re ragihan: “Di encama firtoneyeke bihêz a şeva din de 11 penaber birîndar bûn. Birîna kesek ji wan metirsîdar e û bilok li serî wî ketiye.”
Jêderekê ji nexweşxaneya beşa lezgîn a Dihokê jî ji Rûdawê re diyar kir ku 4 welatî li navenda bajarê Dihokê bi heman sedemê birîndar bûne û ji bo nexweşxaneyê hatine şandin û di bin çavdêriya pijîjk de ne.
Li devera Zumar jî, kabîneyek bi ser pêşmergeyekî de ketiye û birîndar bûye.
Rêveberê belavkirina elektrîka Dihokê Sefer Teyîb jî diyar kir ku bayê postekî elektrîkê xistiye xwar û çend têlên veguhestina elektrîkê qetiya ne û wiha got: “Eger derfet hebe, em ê îşev çareser bikin û tu kesî bê elektrîk na hêlin.” (Rûdaw)
