Roja pêncşemê (27.06.2013) li bajarokê Amûdê yê Rojavayê Kurdistanê di navbera çekdarên Yekîneyên Parastina Gel (YPG) ser bi PYD’ê û xwepêşanderên dijî wê de şer û alozî derket û di encam de 4 çekdar û 3 xwepêşander hatin kuştin.
Li gor agahiyên ku gehiştine Basê, berî wê bûyerê rûniştin û gotûbêj di navbera Partiya Demokrata Kurd li Sûriyê (El-Partî) û PYD’ê de hebû, vêna jî wiha kir ku piştî bûyerê pirsgirêk zêde mezin nebe û rewş hinekî aram bibe.
Li gor heman agahiyan, li ser astekî bilind û hewl û pêşniyarên çend kesayetiyên kurd û dostên kurdan, daxwaz ji Partiya Demokrata Kurdistanê (PDK) û Partiya Karkerên Kurdistanê (PKK) hatiye kirin ku li ser çend bingeh û prensîban li ser rêkeftineke stratejîk lihev bikin.
Hat zanîn, PDK li ser wê yekê razî bûye ku pirsa kurd li ser astê her çar parçeyên Kurdistanê û bi awayekî aştiyane bê çareser kirin û ew pêşniyar jî pesend kiriye, niha jî amadekarî tê kirin daku PDK û PKK li ser vê mijarê bicivin û gotûbêjê bikin.
Di vê derbarê de Berdevkê El-Partî Nûrî Brîmo ji Basê re got: ‘’Niha di navbera me û PYD’ê de gotûbêj heye û berî bûyera Amûdê jî herdu alî civiyabûn lê nehênî bûn. Hemû alî hewl didin ku di vê dema niha de aliyên kurdî bibin yek û bibin aktorekî girîng di hevkêşeyên siyasî de û stratejiyeke xwe ya taybet deynin.’’
Brîmo da zanîn ku di van nêzîkan de PYD û El-Partî li Hewlêrê civiyane û wiha axifî: ‘’Mebesta van civînan jî ew e rêkeftina Hewlêrê were cîbicîh kirin ku bi çavdêriya Serokê Herêma Kurdistanê Mesûd Barzanî di sala 2012’ê de hatibû îmzekirin. Herwiha hemû civînên PYD û El-Partî li ser wê yekê ne daku careke din tu pirsgirêk di navbera hîç aliyekî kurdî de çênebin û em hêvîdar in encameke baş ji van civîn û hevdîtinan derkeve.’’
Li ser heman mijarê nûnerê PYD’ê li Herêma Kurdistanê Cafer Henan ji Basê re got: ‘’Li Silêmaniyê PYD ligel aliyên kurdî yên Sûriyê û Yekîtiya Niştimanî ya Kurdistanê (YNK) rûnişt û nêzîkbûnek di navbera aliyan de heye. Rûniştin û hevdîtin di navbera aliyên kurdî de heye daku pirsa kurd li her çar parçeyên Kurdistanê bi awayekî aştiyane bê çareserkirin û mekanîzmên hevbeş bên dîtin, daxwaza me jî ew e ku hemû alî bikaribin mafên gelê kurd biparêzin. Hewldan heye ku rijandina xwîna kurdan bi destê kurdan bê qedexe kirin û birakujî çênebe.’’
Rojnameya Basê xwest nerîna PDK û PKK’ê jî li ser vê mijarê werbigire lê ji ber telefonên nûnerên her du partiyan girtî bûn nikarî xwe bighîne wan.
Hêmin Salih – BAS NewsHewlêr: Bi hewldane çend kesayetiyên kurd û dostên kurdan, Partiya Demokrata Kurdistanê (PDK) û Partiya Karkerên Kurdistanê (PKK) li ser çend bingeh û prensîp bo çareserkirina pirsa kurd li her çar parçeyên Kurdistanê lihev dikin, ku bi awayekî aştiyane li navxwe û derve were çareserkirin. Berpirsekî El-Partî jî eşkere kir ku wek destpêk rûniştinên navbera wan û Partiya Yekîtiya Demokratîk (PYD) dest pê kirine.
Roja pêncşemê (27.06.2013) li bajarokê Amûdê yê Rojavayê Kurdistanê di navbera çekdarên Yekîneyên Parastina Gel (YPG) ser bi PYD’ê û xwepêşanderên dijî wê de şer û alozî derket û di encam de 4 çekdar û 3 xwepêşander hatin kuştin.
Li gor agahiyên ku gehiştine Basê, berî wê bûyerê rûniştin û gotûbêj di navbera Partiya Demokrata Kurd li Sûriyê (El-Partî) û PYD’ê de hebû, vêna jî wiha kir ku piştî bûyerê pirsgirêk zêde mezin nebe û rewş hinekî aram bibe.
Li gor heman agahiyan, li ser astekî bilind û hewl û pêşniyarên çend kesayetiyên kurd û dostên kurdan, daxwaz ji Partiya Demokrata Kurdistanê (PDK) û Partiya Karkerên Kurdistanê (PKK) hatiye kirin ku li ser çend bingeh û prensîban li ser rêkeftineke stratejîk lihev bikin.
Hat zanîn, PDK li ser wê yekê razî bûye ku pirsa kurd li ser astê her çar parçeyên Kurdistanê û bi awayekî aştiyane bê çareser kirin û ew pêşniyar jî pesend kiriye, niha jî amadekarî tê kirin daku PDK û PKK li ser vê mijarê bicivin û gotûbêjê bikin.
Di vê derbarê de Berdevkê El-Partî Nûrî Brîmo ji Basê re got: ‘’Niha di navbera me û PYD’ê de gotûbêj heye û berî bûyera Amûdê jî herdu alî civiyabûn lê nehênî bûn. Hemû alî hewl didin ku di vê dema niha de aliyên kurdî bibin yek û bibin aktorekî girîng di hevkêşeyên siyasî de û stratejiyeke xwe ya taybet deynin.’’
Brîmo da zanîn ku di van nêzîkan de PYD û El-Partî li Hewlêrê civiyane û wiha axifî: ‘’Mebesta van civînan jî ew e rêkeftina Hewlêrê were cîbicîh kirin ku bi çavdêriya Serokê Herêma Kurdistanê Mesûd Barzanî di sala 2012’ê de hatibû îmzekirin. Herwiha hemû civînên PYD û El-Partî li ser wê yekê ne daku careke din tu pirsgirêk di navbera hîç aliyekî kurdî de çênebin û em hêvîdar in encameke baş ji van civîn û hevdîtinan derkeve.’’
Li ser heman mijarê nûnerê PYD’ê li Herêma Kurdistanê Cafer Henan ji Basê re got: ‘’Li Silêmaniyê PYD ligel aliyên kurdî yên Sûriyê û Yekîtiya Niştimanî ya Kurdistanê (YNK) rûnişt û nêzîkbûnek di navbera aliyan de heye. Rûniştin û hevdîtin di navbera aliyên kurdî de heye daku pirsa kurd li her çar parçeyên Kurdistanê bi awayekî aştiyane bê çareserkirin û mekanîzmên hevbeş bên dîtin, daxwaza me jî ew e ku hemû alî bikaribin mafên gelê kurd biparêzin. Hewldan heye ku rijandina xwîna kurdan bi destê kurdan bê qedexe kirin û birakujî çênebe.’’
Rojnameya Basê xwest nerîna PDK û PKK’ê jî li ser vê mijarê werbigire lê ji ber telefonên nûnerên her du partiyan girtî bûn nikarî xwe bighîne wan.
– See more at: http://www.bas-news.net/kur/ArticleDetail.aspx?articleid=4460#sthash.egX0brWi.n41LP45c.dpuf
