Serokwezîr bû xwendekar

Bi armanca ji nêzîk haydarbûn li ser kar, xebat û pirojeyên kampa nû a zanîngeha Soranê, duhî roja duşemiyê, Nêçîrvan Barzanî serokwezîrê Kurdistanê serdana zanîngeha Soranê kir û ji aliyê serok û mamosteyên  zanîngehê ve hat pêşwazî kirin.

Serokê zanîngeha Soranê ji serokwezîr re behsa kar, xebat û pirojeyên zanîngehê kir û got ku, yek ji pirojeyên wan yên mezin û giring bielektronîkirina kampa zanîngeha Soranê ye, zanîngehê di nava van çar salên emirê zanîngehê de gelek xizmetên hêja pêşkeşî herêma Kurdistanê kiriye.

Mamûstayê zanîngehê agahdariya dide Nêçîrvan Barzanî

Ji aliyê xwe ve Nêçîrvan Barzanî serokwezîrê Kurdistanê di axaftinekê de, kar û xebatên zanîngeha Soranê di vê dema kurt de pêşkeş kirine bilind nirxandin û got ku, di vê dema kurt de zanîngeha Soranê kariye karekî bi kalîteyeke bikind pêşkeş bike û ew dîtina zanîgeha bo giringiya  kalîteyê heye eynî dîtina hikûmeta herêma Kurdistanê ye û ”nihêniya serkeftina zanîngeha Soranê bo wê yekê vedigere ku, ew zanîngeh bi baştirîn awayî serokatî kiriye, ne tenê îdarekirin.”

Serokwezîr got ku, hikûmeta herêma Kurdistanê, ji bona berdewamîdan bi karên xwe û serkeftina zanîngehê, dê li ser alîkarîkirina zanêngehê berdewam be û ” ji nuha û pêde qonaxeke nû a piştgirî û hevkariya hikûmetê bo zanîngeha Soranê dest pê dike, ji ber ku, zanîngeha Soranê hêjayî wê piştevaniyê ye.