Piştî hevdîtina xwe ya ligel wezîrê derve yê Tirkiyê Ahmet Davutoglu, serokwezîrê herêma Kurdistanê Nêçîrvan Barzanî ji aliyê serokwezîrê Tirkiyê Receb Teyib Erdogan ve li Îstanbolê li Dolme Bahçe, hate pêşwazîkirin.
Di hevdîtinê de li ser pêwendiyên di navbera Kurdistanê û Tirkiyê de, di warê dîplomasî, aborî, enerjî û ewlekariyê de hate rawestandin û her wiha rewşa Iraqê û herêmê hate rojevê.
Serokwezîrê Tirkiyê Erdogan, kêfxweşiya xwe bi serkeftinên hilbijaritên li herêma Kurdistanê anî ziman û xelkê Kurdistanê pîroz kir.
Erdogan got, Enqere girîngiyeke mezin dide pêwnediyên ligel Hewlêrê û ew herêma Kurdistanê dilniya dike ku wê pêwendiyên wan her berdewam û xurt bimînin.
Serokwezîrê Tirkiyê, li aliyê din xemgîniya xwe li hember teqînên terorîstî li Hewlêrê anî ziman û got ku Tirkiyê amade ye di her warî de alîkariya herêma Kurdistanê bike.
Nêçîrvan Barzanî ji aliyê xwe ve got ew bi berdewamiya wan pêwendiyan kêfweş in û ewê her demê hewl bidin ku pêwendî berve pêş ve biçin.
Di hevdîtinê de her wiha li ser ferehkirina deriyê sînorê Îrahîm Xelîl jî hate rawestandin û vekirina deriyekî din yê sînor di navbera her du welatan de hate rojevê.
AVESTA KURD
