Baydemîr: Emê xwedî li pêşeroja Rihayê derkevîn
Baydemir ku girseya bi deh hezaran a li ser hev dirûşmeya “Riha bi te serbilende” qêr dikirin re axivî wiha got: “Îbrahîm tekoşîna ku mirov wê ne be evdê mirovan da. Ev tekoşîna azadiyê ye. Yên ku dixwazin dewlemend bibin bila xwe nexin dinava siyasetê de. Siyaset nayê wateya ku di sindoqên solan de pareyan veşêrin, tê wateya xizmet kirinê.”
Baydemîr ku bi gotina “îro ji bo Riha û me rojekî dîrokiye” wiha dewam kir: “Wê bibe hilbijartina herî mezin a dîroka me ya siyasî. Rihayiyê ku em neçîn destê wî em nahêlîn. Wê hemû kes serkeftina gelê me binivîse û baxive. Emê bi rûhê Îbrahîmî xwedî li Riha û demokrasiyê derbikevîn.”
Baydemîr di berdewama axaftina xwe de wiha jî got: “Emê cardin Rihayê bigehînin nasnameya Halîl û Rahman.”
Baydemîr di dawiya axaftina xwe de ji bo hemû bawerî û niştecihên bajêr yên Ereb re silav şandin û wiha got: “Emê ji zarokên vî bajarî re ne şer, aştiyê emanet bikîn.”
Di mitînga Riha de namzetên BDP’ê hatin danasîn
Namzetên BDP’ê yên Rihayê îro bi mîtingekî ku bi hezaran kes beşdar bibûn bi gel hatin danasîn. Di mîtingê de Hevserokê Giştî yê BDP’ê Selahattîn Demîrtaş ku axaftinek kir got wan weke namzet ji Rihayê re Osman Baydemir ku xwedî ezmûne aniye, û wiha got: “Em soz didîn. Wê serokên meyên şaredariyan li gel hemû sermaya xwe a hatine wê biçin jî. Me pareyê gel ne dizî û na hêlîn bidizin jî. Wê hemû kes ji me xizmetekî wekhev bibîne.”
BDP ku bi dirûşma “Bi rêveberiya xweser ber bi nasnameya azad ve” xwe ji bo hilbijartinan amade dike, li Rihayê namzetên xwe aşkere kirin û starta danasî bi gel re dan destpê kirin. Mîtinga ku hat li darxistin de beyannameya BDP’ê a ku rêveberiya xweser pêşniyar dike, hat pêşkêş kirina gel.
Mîtinga ku bi sedan kes beşdar bibûn de, despêkê di saetên siharê de li navçeyên Sîverek û Hîlvanê bi kerwanekî ji sedan wesayitan pêk dihat tura hilbijartinan avêtin. Di ketina Petrola Badiliya Rihayê de ku Hevserokê Giştî yê BDP’ê Selahattîn Demîtaş û li gel Namzetê BDP’ê yê Hevserokatiya Şaredariya Bajarê Mezin Rihayê Osman Baydemir ji aliyê bi hezaran kesî ve hatin pêşwazî kirin, bi kerwanekî dirêj yê wesayitan çûn Meydana Topçû a mîtin lê hate li darxistin. Demirtaş û yên li gel wî li meydanê li gel Hevserokên DTK’ê û Namteztê Hevserokatiya Şaredariya Bajarê Mezin Mêrdînê Ahmet Turk, serokên BDP’ê yên şaredariyên herêmê û ji aliyê bi deh hezaran kesî ve hatin pêşwazî kirin. Girseyê Posterên Rêberê Gelê Kurd Abdullah Ocalan , flamayên KCK, YPG, PKK’ê û pankarta ku îlankirina Kantona Cizîrê a Rojava silav dikir hilgirtin.
Demirtaş ku bal kişande ser beyannameya BDP’ê jî wiha got: “Em projeya konuta civakî destpê dikîn. Wê li her taxê wê xizmeta bê ûcret a kreş were dayîn. Wê cihên bê pare ji xwendekaran re çêkîn.” Demirtaş piştre jî navê hevserokên şaredariyên cihên ku heya niha ne hatine aşkere kirin aşkere kir. Namzet wiha ne:
AMED: Baglar-Eşref Gûler, Bismîl-Resul Sari, Egîl-Mahmut Yokuş, Lice-Harun Erkuş, Erxanî,Ramazan Kartalmiş, Kulp,Mustafa Polat.
MÊRDÎN: Kerboran-Sinan Akan, Dêrik-A. Kerîm Erdem, Mazidaqi-Alî Ozkan, Nusaybîn-Cengiz Kok, Artuklu-M. Emîn Irmak, Midyat-Îlhan Bayar, Yeşîllî-Abdurrahman Aygûler.
ŞIERNEX: Bêşebab- Nurettîn Ataman, Silopî- Saît Kol
COLEMÊRG: Navenda Colemêrgê Nurullah Çiftçî, Gever-Tacettîn Sefalî
WAN: Edremit: Abdülkerim Sayan, İpekyol: Veysel Keser, Qerqelî: Şerafettin Ozalp, Çaldıran: Faruk Demir,
MUŞ: Bulanık: Rahmi Çelik, Konukbekler: Ubeydullah Mutlu, Karaagaçlı: Mükremin Gür, Sungu: Nazım Selen, Yoncalı: Efendi Dogru, Düzkışla: GıyaseddinKurtan, Kızılagaç: M. Şirin Gokturk,
BITLÎS: Golbaşı: Vedat Kılıç, Kavakbaşı: Mehmet Yalçınkaya,
IXDIR: Tuzluca: Mehmet Gultekin,
QERS: Digor: Ekrem Bingol, Dagpınar: Vedat Salturk, Selim: İzzet Polat,
ERZURUM: Erzurum Buyukşehir Belediyesi: Cuneyt Laloglu,
ENTEP: Antep Buyukşehir: Abdullah Demirbaş, Şehitkamil: Kemal Şahin,
MÊRSÎN: Akdeniz: Fazıl Türk, Tarsus: Mehmet Alış, Yenişehir: Hasan Kapıkıran, Erdemli: Ayhan Kırıcı, Silifke: Erkan Kanık, Mut: Bozan Kıran, Gulnar: Ramazan Erkaçmaz,
RIHA:Eyyubiye: Şukru Turgut, Haliliye: Bekir Benek, Karakopru: Gulay Koca, Serê Kaniyê: İsmail Arsan, Xelfetî: Mustafa Bayram, Bozova: Zeynel Taş, Hilvan: Mehmet Polat, Siverek: Metin Ozbadem, Suruç: Orhan Şansal, Bajarê Mezin Riha: Osman Baydemir ve Leyla Akça. (Hawar net)
