Piştî civînê, Nêçîrvan Barzanî ji Rûdawê re axivî û ragihand, civîna şandên PDK û Gorranê erênî bû, her du alî li ser hinek mijaran li hev kirin û da zanîn, lê derbarê hinek tiştên din jî divê di zûtirîn dem de bersiva hev bidin.
Nêçîrvan Barzanî, derbarê civîna şandên PDK û YNKê de jî got: ” me 2 roj wext daye YNKê da li ser pêşniyarên PDKê gotûbêj bike û bersiva me bide.”
Cîgirê serokê PDKê got jî ku, ew zêdetir pêkanîna hikûmetê paşnaxin û serokê Herêma Kurdistanê jî qet naxwaze pêkanîna hikûmetê zêdetir paş bikeve.
Li gorî agahiyên Rûdawê, PDK pêşniyara YNKê bo wergirtina yek ji wezaretên Pêşmerge yan Navxwe qebûl nekiriye ji ber ku, wezaretên han ber para Gorran û PDKê ketine.
Zêdetirî ji 6 mehan e hilbijartinên Kurdistanê hatine encamdan û heta niha hikûmeta nû pêk nehatiye. Rûdaw
