Akif Hasan got, PKK dixwaze Şengalê bike Qendîla Rojava.
Li gor Akif Hasan, karûbarên PKK û PYD ji bo Kurdên Êzîdî kirin, cihê rêzê ye, lê ew tenê li berjewendiyên hizbî fikirî, ji berjewendiyên netewî zêdetir ew li berjewendiyên partîtiyê fikirî.
Akif Hasan got, PKK-PYD dixwaze ji vê tevlîheviyê fêdeyê dibîne û ji bo vê yekê jî dixwaze detesladariya xweli herêma Şengalê bi cî bike.
Hasan got, eger di demeke kurt ev weke alîkarî were dîtin jî, lê ji bo demeke dirêj hebûna PKK-PYD li wê derê xeterek e.
Akif Hasan got, PKK - PYD dixwazin li wê derê artêşekê çêbikin û ji bo herêma Kurdistanê jî kelemekê ava bikin, û xetera wê yekê jî heye, ku sibe kêşeyên mezin di navbera wan û herêma Kurdistanê de jî derkevin.
Hasan got, eger ku PKK bi rastî duruste û netewî difikire, gereke bihêle pêşmergeyên rojavayê Kurdistanê derbasî rojavayê Kurdistanê bibin û artêşeke netewî were avakirin, eger wiha biçe fersend bi dest dikeve, eger ne wiha be jî fersend ji dest tê revandin.
Hasan her wiha diyar kir ku her kêşeyek fersendekê jî bi xwe re tîne û divê PKK-PYD vê fersendê beravêtî neke û yekîtiya başûr û rojava defakto saxlem ava bikin.
Akif Hasan, li Ewropa berpirsiyarê dîplomasiya PKK bû, dema serokê PKK Abdullah Ocalan li Roma bû, Akif Hasan destê wî yê rastê bû.
AVESTA KURD
