Newzad Hadî îşev di civîneke çapemeniyê de got: ‘’Di teqîna îro de hîç kesekî canê xwe ji dest nedaye û tenê 3 kes birîndar bûne, birînên wan hersê kesan jî sivik in, niha hêzên ewlekariyê derbarê bûyerê de lêkolînan dikin, piştî ku lêkolîn bi dawî bûn, em dê encamên wê bo raya giştî ya Herêma Kurdistanê eşkere bikin.’‘
Newzad Hadî daniştvanên Hewlêra paytexta Herêma Kurdistanê ji wê yekê piştrast kirin ku rewşa bajêr aram e û axaftina xwe wiha qedand: ‘’Em daniştvanên paytexta Kurdistanê piştrast dikin ku rewşa bajêr aram e û jiyan normal e.’‘
Vê êvarê li nêzîkê Peymangeha Teknîkî ya Hewlêrê li ser rêya serekî ya Hewlêr-Kerkûkê otomobîleke corê Hyundai Tucson teqiya û hatibû ragehandin ku du kes birîndar bûne, lê Parêzgarê Hewlêrê got ku sê les birîndar bûne û birînên wan jî sivik in.(bas)
