Serokê giştî yê Partiya Demokrasiya Beşdar (KADEP) Lutfi Baksî da zanîn ku di hilbijartinên parlamentoyê de ewê bi HDP`ê re hevkarî nakin. Baksî li ser hibijartinên parlamentoyê yên Tirkiyeyê, ku wê havînê bê lidarxistin, her weha li ser bûyerên li Cizîrê diqewimin ji peyamnêrê `Spûtnîk Kurdistan` Fethullah Ozmen re nirxandinên balkêş kirin.
HDP ji bo Kurdan ji holê rakin hatiye avakirin
LutfîBaksî dibêje: “Wezîrê tirk Beşîr Atalay derket televizyonê got ku HDP Abdullah Ocalan û MİT bi hevre ava kirine. Heta niha eva çend meh borîn, ne PKK ne jî HDP ev îdîa tekzîp nekirin. Ji ber vê sedemê jî em bi HDP re nikarin bi hev re kar bikin. Çunkî em nikarin bi tevgerekê re ku MİT ava kiribe, hevkarî bikin. MİT neyarê Kurda ye”.
Baksî îdîa dike ku wekî partî, wan xeta Kurdistanî diajon: “Herî kêm em ji bo kurdan federasyonê dixwazin. Federasyoneke hem coxrafî hem jî etnîkî. Ji ber ku Kurdistan welateke û yê ku li ser dijî milletê kurd e”.
Plan heye ku HDP bendava hilbijartinan derbas neke
Baksî idîa dike ku li gorî planê divê HDP derveyî parlamentoyê bimîne: “Hinek dibejin Abdûlh Ocalan û Fidan ê serokê MİT`ê li hev kirine, ku HDP bikeve hilbijartinan û bi ser nekeve ji bo ku AKP 400 parlamenterî derxe û yasaya bingehîn çêbike û Abdulah Ocalan ji hepsê derbixin û hinekî heq hiqûqan bidine Kurdan. Ji bo vê em xetere dibînin ku HDP bi ser nekeve”.
Buyerên Cizîrê nîşan didin ku li Bakğr potansiyeleke mezin a Kurdistanî heye.
Li ser bûyerên Cizîrê jî Baksî van şîroveyan dike: “Vê meseleyê serê herkesî têkelhev kiriye. Her kes diçe, lê heya vê gavê kesî tiştekî berbiçav negotiye. Lê ev yek nîşan dide ku li Kurdistanê potansîyeleke Kurdistanî ya mezin heye. Ez bawerim daxwazên HDP wan têr nake. Ew, wekî protestoyekê li hemberî wan e. Protestoyeke li hemberî dewletê ye jî”. (Dengê Rûsya)
