Ajansa Nûçeyan a Kuwêtê, Kona ragihand ku Hikûmeta Espanya herdu êrişên ku bi terorane li dijî girseya kurdên bajarê Hesekê wesif kirin, bi tundî şermezar kir.
Li gorî ajansa navborî, di daxuyaniyeke kurt de, Wezareta Derve ya Espanya careke din tekezî li ser piştevaniya xwe ji bo hemû bizavên nehiştina terorê bi hemû awayên wê kiriye.
Di daxuyaniya xwe de, Wezareta Derve ya Espanya sersaxiya Hikûmeta Espanya bi kesûkarên qurbaniyan gihandiye û hêviya selametiyê ji birîndarên herdu teqînan xwestiye.
Ji aliyê xwe ve, Wezareta Derve ya Sûriyê di du nameyan de ku arasteyî sekreterê Neteweyên Yekbûyî û serokê Encumena Ewlehiya Navdewletî kirine, daxwaz ji rêxistina navdewletî kiriye ku ew teqînên Hesekê şermezar bike û tedbîrên hişk li dijî aliyên ku ew bi piştgirên terorê wesif kirin, bigre ber xwe.
Herwiha Berdevkê Wezareta Derve ya Îranê, Merziye Afxemî teqînên bajarê Hesekê yê Rojavayê Kurdistanê şermezar kir.
Di gotara xwe ya heftane de, Afxemî behsa bûyerên Hesekê kir û hêvî kir ku bi alîkariya hemû welatan, teror bê jinavbirin û çavkaniyên wê bi yekcarî bên çikandin.
Serokatiya Herêma Kurdistanê di daxuyaniyekê her du êrişê bi tundî şermezar kiribûn û tekez kiribû ku bi hemû karînên xwe piştevaniya xwişk û birayên xwe li Rojavayê Kurdistanê û Hesekê dikin û amade ne ku hemû corên alîkariyê ji bo wan pêşkêş bikin.
Piştî her du teqînên Hesekê, Sekreterê Neteweyên Yekbûyî Ban Ki Moon her du êrişên ku gotibû li dijî kemîneya kurd li Hesekê hatibûn kirin, şermezar kirin.
Di daxuyaniya Neteweyên Yekbûyî da hatibû gotin ku di van her du êrişên qirêj de derdora 100 kesî hatine kuştin û birîndarkirin û di nav wan de jin û zarok jî hene.
Roja înê, dema ku kurdên bajarê Hesekê ahengên şeva Newrozê lidar dixistin, du teqînan beşdarbûyên ahengan kirin armanc û li gorî amarên herî dawî, 55 kes şehîd bûn û bêhtirî 100 kesî jî birîndar bûn û rêxistina DAIŞê berpirsiyariya her du êrişan li stûyê xwe girt.
Navê şehîdan:
1- Fîktorya Ebdulah Naso
2- Şevîn Umer Şiblî
3- Şahîn Rakan Mîrzo
4- Gulîstan Mîrzo
5- Ciwan Mihemed Salih Bedir
6- Şemse Osman
7- Merwa Qadirî
8- Mizgîn Mihemed
9- Umer Ehmê
10- Mizgîn Umer Ehmê
11- Hesen Ezîz Remo
12- Hejar Mihemed Salih Mihemed
13- Ezîz Daûd
14- Foziye Îsa
15- Faris Seyid Elo
16- Kurê Amir Îsmaîl Sebrî
17- Semer Faris Seyid Elo
18- Dozgîn Umer Ehmê
19- Merwa Mihyedîn Muftî
20- Duia Mihemed Seîd Muftî
21- Fewziye Tahir Musa
22- Emîra Faris Xelîl Zavî
23- Solîn Mihemed Mehsûm
24- Mihemed Mehsûm
25- Ebdulselam Yûnis
26- Nîfalî Adem Yûsif Osman
27- hizbiye Selîm Îbrahîm
28- Mihemed Yûsif Hisên
29- Reca Ebdulrehman Hesen
30- Şemsa Umer Hiso
31- Hejar Ebdulrehîm
32- Ciwan Eyo
33- Yara Kamîran
34- Tolay Kamîran
35- Hemade Mehsûm
36- Katba Ebdulrehman Etê
37- Ciwan Mehmûd Silêman
38- Mihened Enter
39- Evîn Şerîf Osman
40- Izedîn Silêman Ehmo
41- Xedra Xelîl Seyid
42- Beyar Nesiredîn Hesen
43- Raman Ebdulxenî Îsa
44- Mihemed Amir Cico
45- Ehmed Amir Cico
46- Alav Hatim Mintiş
47- Mistefa Mihemed Îsa Ezîzat
48- Ehmed Hisên Ehmed
49- Rêzan Cemal
50- Xidir Rakan
51- Kawa
52- Narîman Mintiş
53- Nêrîvan Ebdulrehman Mihemed
54 – 55- Seher Seyid Elo û zaroka wê
(Jêder Rûdaw)
