Elî Heyder ji Rûdawê re diyar kir, li Rojavayê Kurdistanê xweserî ramanek e û Hikûmeta Sûriyê dikara li ser wê mijare danûstandine bike.
Heyder anî ziman, ew partiyên kurdî yên li Rojavayê Kurdistanê normal dibînin û wiha got: “Li Sûriyê daliqandina alên kurdî ji bo me ne pirsgirêk e.”
Herwiha Heyder eşkere kir ku meha borî li Amûdê ligel berpirsên Kantona Cezîre re civîya ye û wiha domand: “Hikûmeta Sûriyê amadeye mijara “xweseriyê” gotûbêj bike, ji ber ku ev proje hêj di ramanan de ye û ne biryarekê tekez e. Rayêdarên Kurdan di hevdîtinê de anîbûn ziman dibe ku ew raman bên guhertin.”
Wezîrê Lihevhatina Niştimanî yê Sûriyê derbarê serdana xwe de wiha got: “Armanca me, em di navbera Hikûmeta Sûriyê û xelkê herêmê xweş bikin bû.” Rûdaw
