Endamê polîtbîroya Partiya Yekîtî Fûad Elîko derbarê êrîşên DAIŞê li ser Kobanê daxuyaniyek belav kir û têde bang li Encumena Niştîmaniya Kurd li Sûriyê (ENKS) û Tevgera Civaka Demokratîk (TEV-DEM) kir ku bê merc di bin siya lêvegera siyasî de bicivin daku rê li ber derbasbûna pêşmergeyên Rojavayê Kurdistanê yên ku li Başûr dimînin vekin û odeyeke operasyonên hevbeş ligel Yekîneyên Parastina Gel ji bo parastina Kobanê pêk bînin.
Fûad Elîko herwiha got, niha DAIŞ kurdan li Kobanê dikuje bêyî ku ji wan bipirse ka gelo ji çi aliyê siyasî ne û ji ber vê yekê pêwîstî bi yekîtiyê hene.
Elîko ku di heman demê de endamê desteya siyasî ya Îtilafa Dijbereya Sûriyê ye, anî ziman ku divê di zûtirîn dem de aliyên siyasî yên Rojavayê Kurdistanê lihev bikin daku gelê xwe ji êrîşên kesên tundrew biparêzin.
Elîko got, lihevkirina siyasî take çareserî ye ji bo parastina Rojavayê Kurdistanê. Rûdaw
