Li gor idîayeke rojnameyeke tirkî, ev demeke di navbera Leyla Zana û HDP de krîzeke kûr heye û her du alî ji hev ne razî ne.
Ew rojname idîa dike ku parlamentera Agrî ya HDP Leyla Zana êdî naxwaze di nava HDP de siyasetê bike, ji ber vê yekê jî biryara xwe daye ku cuda bibe.
Rojnameya tirkî Bugun ku nêzîkî hikûmeta Tirkiyê ye, dinivisîne ku ew krîza di navbera her du aliyan de hîn kûrtir bû, dema ku Leyla Zana xwest serokomarê Tirkiyê bibîne.
Li ser daxwza hevdîtina Leyla Zana bi Erdogan re, hevserokê HDP Selahedin Demirtaş gotibû,
ew daxwazeke şexsî ye, ne ya HDP ye, haya wan jê tune ye, ew nizanin bê ka çima Leyla Zana daxwaz kiriye ku Erdogan bibîne.
