Di civînê de ku, Qubad Talebanî cîgirê serokwezîr, Elî Sindî wezîrê pilandananê û Sefîn Dizeyî peyvdarê hikûmatê amade bûn, wezîrê karê derve yê Birîtaniyayê îşaret bi wê yekê de ku, rawestandin û têkşikandina êrîş û metirsiya terorê ji aliyê Pêşmergeyê Kurdistanê ve û hewandina hijmareke zêde ya koçber û penaberan û dabînkirina xizmetên pêwîst jê re navdengiyeke mezin ji Herêma Kurdistanê re li sertaserî Ewropayê û cîhanê dirust kiriye û hêvî xwest ku, hêza pêşmerge roleke ber bi çav di azadkirina bajarê Mûsilê de hebe.
Nêçîrvan Barzanî sipasiya serdana şandeya Birîtaniyayê bo Hewlêrê kir û piştevanî û alîkariyanê xelk û hikûmeta Birîtaniyayê ji bo hêza Pêşmerge û Herêma Kurdistanê bilind nirxandin. Barzanî tekîd kir ku ji sedema kirîza êkonomî û hatina hijmareke gelek zêde ya koçber û penaberan Herêma Kurdistanê pêwîstî bi zêdetir piştevanî û alîkariya civaka navdewletî heye.
Serokwezîrê Kurdistanê ji şandeya mêvan re behsa rewşa herêma Kurdistanê, tedbîr û pilanên çaksaziyê û derbaskirina kirîza êkonomî kir û tekîd kir ku, hikûmet li ser pirosesa çaksaziyê cidiye û ji bona ku dahatiniyê Kurdistanê bi şefafî bimîne hikûmetê dest bi xebatên xwe kiriya û di vî warî de digel şareza û pisporên navdweletî dişêwire û Birîtaniya jî dikare di vî warî de hevkariya hikûmeta Herêma Kurdistanê bike.
Gotûbêjkirina pilana azadkirina Mûsilê ji bin destê û rewşa herêmî bi giştî mijarên din yên civînê bûn.
