Bi hezaran e-mailên Clinton, ku niha namzeda pêşeng a Demokratên Amerîkayê ye ji bo serokatiya wî welatî, li ser daxwaza Kongreya Amerîka û bi rizamendiya wê hatine belavkirin. Clinton ew name bi rêya e-maila xwe ya taybet şandibû.
Yek ji wan e-mailan, e-maila alîkara Clinton a wê demê Elîzabeth Johns e. Johns di wê e-mailê de behsa civîna xwe û Serokê Herêma Kurdistanê Mesûd Barzanî kiriye. Wê rayedara amerîkî ji Barzanî xwestiye kurdên Rojavayê Kurdistanê nêzîkî hev bike, Barzanî bersiva wê daye û gotiye ku dê hewl bide bi rêya lidarxistina kongreya netewî ya kurd, PYDê jî tevl eniya dijî Serokê Sûriyê Beşar Esed bike. Rûdaw
