Cîgirê serokê Itîlafa Sûriyê Dr. Hekîm Beşar di daxuyaniyekê de ji bo raya giştî û dezgehên mafên mirovan yên navdewletî û niştimanî eşkere kir ku di dawiya 2011 de, rêjîma Sûriyê PYD wezîfedar kir ku wî bikujin, ji ber vê yekê jî ew neçar ma ji Sûriyê derkeve.
Beşar dibêje, ji wê demê de û heta niha PYD şerê wî dike û wî weke xayîn bi nav dike û bi her awahî û li her derê li dijî wî propaganda dikin.
Cîgirê serokê Îtîlafa Sûriyê û endamê desteya bilind ya Danûstandinên Cinêvê Dr. Hekîm Beşar her wiha balê dikişîne ser wê yekê ku PYD bingeha kuştina wî amade dike.
Dibêje, çi were serê wî PYD berpirse û welatên di grûpa dostên Sûriyê de daxwaz dike ku rê li pêşiya van kiryarên PYD bigirin.
