Di peyama Barzanî de hatiye: “Ji bo me li vê qonaxê da hîç armancek ji mafê çarenûs û serbixweyiyê bilindtir û pîroztir nîne, nabê rê bidin ev pirsa çarenûsaz bibê qurbana nakokî û gengeşeyên navxweyî. Ji bo vê yekê daxwaz ji hemû hêzên siyasiyên Kurdistanê dikim li zûtirîn demî da rêwşuwênên pêwîst li ber bigrin ji bo dirustkirina komdengiya niştîmanî li ser pirsa referandum û serbixweyî û hengava yekem eweye li gel Bexda bikevîn guftûgoya eşkere û birayane.”
Deqa peyama Barzanî wek ku di malpera serokatiya Herêma Kurdistanê de hatiye:
Bi navê xwedayê mezin û dilovan
Cemawerê xweragirê Kurdistanê
Hêz û aliyên siyasiyên Kurdistanê
Rewşa navçeyê bi qonaxekî nû da derbas dibe û bi hemû nirxandinekî guhertinên mezin li hole dane. Gelê Kurdistanê û ezmûna wê jî li ber qonaxekî hestiyar û çarenûssaz da ye, nabê ev derfeta vê carê ji bo gelê me hatiye pêş, ji dest bidin. Îro pêgeha gelê Kurdistanê li ser asta navdewletî asoyekî xwe ya ronak heye û li şerê terorê jî bi hewla Pêşmergeyên qehreman û li sayeya xwîna şehîdên me û bi xweragiriya xelkê Kurdistanê û piştevaniya hevpeymanan, serkeftineke mezin bi dest hatiye û terorîst tûşî şikestên mezin hatin lê belê metirsiya wan her maye.
Hemwelatiyên Kurdistanê
Ji bo me li vê qonaxê da hîç armancek ji mafê çarenûs û serbixweyiyê bilindtir û pîroztir nîne, nabê rê bidin ev pirsa çarenûsaz bibê qurbana nakokî û gengeşeyên navxweyî. Ji bo vê yekê daxwaz ji hemû hêzên siyasiyên Kurdistanê dikim li zûtirîn demî da rêwşuwênên pêwîst li ber bigrin ji bo dirustkirina komdengiya niştîmanî li ser pirsa referandum û serbixweyî û hengava yekem eweye li gel Bexda bikevîn guftûgoya eşkere û birayane.
Ji bo vê mebestê hemû hêz û aliyan vedixwînim ku civîneke taybet ji bo vê babetê encam bidin ji bo biryardana li ser hengavên paşarojê û ji bo vê jî Dîwana Serokayetiya Herêma Kurdistanê peywendiyê bi hemû aliyan ve dike.
Mesûd Barzanî
23.06.2016
