Li bakurê bajarê Babê hêzên opozisyona Sûriyê ku nêzîkî Tirkiyê ne, bicih dibin. Li başûrê wê jî hêzên Hikûmeta Sûriyê bicih bûne, herwiha li rojhilat û rojavayê bajêr jî Hêzên Sûriya Demokratîk (HSD) hene.
Hêzên Opozisyona Sûriyê ku Artêşa Tirkiyê piştevaniya wan dike, niha bi qasî 30 km li bakurê Babê dûr in.
Piştî ku hêzên opozisyona Sûriyê şirîta di navbera Cerablus û Ezazê de bi panayiya nêzîkî 10 kîlometroyan kontrol kirin, niha ew hêz derdora 30 kîlometroyan ji navenda bajarê Babê dûr in.
Ji aliyekê din ve li başûrê Babê hêzên Artêşa Sûriyê hene û hêzên Sûriyê tenê 10 km dûrî Babê ne.
Piştî ku hêzên hikûmeta Sûriyê balafirxaneya Kiwêrs a leşkerî û başûrê bajêr kontrol kirin, niha ew derdora 10 kîlometroyan li aliyê başûr ji navenda bajarê Babê nêzîk in.
Herwiha hêzên HSDê li 2 aliyan ve li derdora Babê hene. Li milê rojava ve şervanên HSDê bi qasî 20 km û li aliyê rojhilata ve jî bi qasî 10 km dûrî Babê ne.ç
Li rojavayê Babê, hêzên HSD çend gund kontrol kirine û niha ji aliyê rojava ve, hêzên HSD derdora 20 kîlometroyan ji navenda bajêr nêzîk in.
Herwiha piştî ku hêzên HSD gundê el-Irême li rojhilatê Babê kontrol kirin, niha ew tenê derdora 10 kîlometreyan ji milê rojhilat ve ji navenda bajarê Babê dûr in.
Bi sedema girîngiya pêgehê Babê ji bo hemû aliyan, niha pêşbirkiyek ji bo kontrolkirina vî bajarî di navbera wan hêzan de heye. Çimkî kî bajêr kontrol bike rol û bandora wî li bakurê Sûriyê bihêz dibe.
Berpirsê dosya Rojava û Sûriyê di tora Medyayî ya Rûdawê de, Hisên Omer li ser mijarê zanyariyên zêdetir dide, ku di vê raporta vîdyoyî de hûn dikarin temaşe bikin.
