Hevserokê Kantona Cezîrê Himêdî Diham el-Cerba wê Encûmeneke leşkerî ya Erebî ava bike û hêza xwe ji nava HSD derxîne.
Li gor çavkaniyên xwecihî, Himêdî el-Cerba ligel serokeşîretên ereb û fermandarên milîşên ereb civiyaye û soz daye wan ku çekdarên xwe ji HSD vekişîne.
Bi gotina wan çavkaniyan el-Cerba red kiriye ku çekdarên wî beşdarî operasyona kontrolkirina Reqayê bibin.
El-Cerba gotiye ku ti pirsgirêka wî bi artêşa Sûriyê re û artêşa azad re nîne û ewê şerê wan neke.
Hevserokê Kantona Cizîrê, herî dawî, bi beşdariya serkirdeyên PYD û Rêveberiya Xweser bang li Beşar el-Esed kiribû ku serdana Cizîrê bike.
