Jêdereke nêzîkî malbata endamê komîteya navendî ya PDK-S û serkirdeyê ENKS Ebdulrehman Apo, ragihand ku xanima wî çûye li wî pirsiye, asayîşa rêveberiya xweser destpêkê gotiye ew li cem wan e, piştre jî gotine haya wan ji wî tune ye, dibe ku ew li bargeha sereke ya zindanan be, xanima wî çûye beşê rêveberiya zindanan, qedexe kirine ku hev bibînin, ji wê re gotiye ew niha di bin lêpirsînê de ye û kesek nikare wî bibîne.
Heman jêderê ji Efrînê got ku hemû telefon, computer û telefona xanima wî û gelek tiştên din heciz kirine, her wiha dest danîne ser hesabên wî yên Facebook, Viber, Whats Ap û wan hesaban bikar tînin û asayîşa Efrînê bi aktîvhîştina hesabên wî dixwaze hemû pêwendiyên wî yên siyasî û civakî bi dest xwe ve bîne û li dijî wî bi kar bîne.
