Hat zanîn ku hikûmeta Îranê tenê mohlet daye şîrketên nêzîkî YNKê ku neftê ji Kurdistanê bibin Îranê û ji Îranê jî benzîn û berhemên din yên petrolê derbasî Kurdistanê bikin.
Li gorî agahiyên BasNewsê, hikûmeta Îranê ferman daye gumrika deriyên sînorî yên navbera Îran û Herêma Kurdistanê ku tenê şîrket û bazirganên nêzîkî YNKê dikarin nefta xav ji Kurdistanê derbasî Îranê bikin û ji wir jî benzîn û berhemên din yên petrolê derbasî Kurdistanê bikin.
Yek ji wan şîrketên ku Îranê mohleta kar dayê, şîrketa Qeywan e. şîrketa Qeyan nêzîkî YNKê ye û dahata wê diçe berîka baskê bi bandor yê YNKê.
Heta niha nayê zanîn ew baskê YNKê li hember çi, rêkeftineke wiha bi Îranê re îmze kiriye. (basnews)
