Serokê Rûsya di konferansa xwe ya rojnamevanî ya salane de ku 1600 dezgehên medyayê dişopînin û bi sedan bi awayekî zindî li seranserê cîhanê diweşînin li ser pirseke girêdayî Kurdistanê got:
Em piştgiriya Kurdistanê dikin, pêwendiyên me ligel Kurdistanê baş in, pêwendiyên me dîrokî ne. Li Kurdistanê referanduma serxwebûnê çêbû, piştre encamên wê hatine rawestandin, serokê Kurdistanê piştre istîfa kir. Di warê bazirganî de jî pêwendiyên me baş in, şîrketa me Rozneft li Kurdistanê kar dike, bi nêrîna min karê me li wê derê hem ji bo Kurdistanê baş e, hem jî ji bo Îraqê.
