Li bajarê Serêkaniyê 2 endamên PDK-Sê hatin girtin û emîndariya giştî ya ENKSê daxwazê ji hêz û aliyên Kurdistanî dike ku PYDê bixin bin guvaşê, ji bo ku girtina siyasî li Rojavayê Kurdistanê bidawî bibe.
Roja Duşemê demjimêr 11 sibehê, her dû endamên PDK-Sê Ebdilhemîd Xelîl Bavê Zal û Ebdilmecîd Sîdo ji aliyê hêzên Asayişê li bajarê Serê Kaniyê hatin girtin û heya niha jî, ew her dû siyasetmedarên Kurd girtî ne.
Ji aliyê xwe ve, Emîndariya Giştî ya ENKSê, daxuyanieyeke nivîskî belav kir û têde daxuyakirin ku girtina endam û alîgirên ENKSê di demekê de tê, ku daxwaza yekrêziya hêz û aliyên Kurdî li Sûriyê û Rojavayê Kurdistanê tê kirin.
ENKSê daxwazê ji hêz û aliyên Kurdistanî, saziyên civakî û tavhiya kes û aliyên demokrasîxwaz dike, ku zextê li PYDê bikin, daku dest ji vê siyaseta xwe li hember ENKSê berde..
