Serokê berê yê PYDê, Salih Mislim ragihand, ew rêkeftina di navbera Amerîka û Tirkiyê de çêbûye, ne rêkeftina navçeyeke aram e, lê protokoleke ji bo aramkirina deverên sînorî.
Di civînekê Salih Mislim digel eşîrên Ereb li Girê Sipî, behsa Navçeya Aram kir, got, wê tu serbazekî Tirk, li wê navçeyê tunebe, herwiha wê hêzên wan bi qasî 5 kilomitran ji sînor dûrbikevin.
Salih Mislim dibêje, wê encûmenên xwecehî yên wan navçeyan bi erkê parastina xwe û peydakirina ewlekariyê rabin.
