Xezal Sîdo, jineke Kurd bû, fedekar bû, ji Kurdên Êzdî yên Efrînê ji Basûtê bû, di sala 1967 de çûbû Almanya, xezmetkareke koçber û penaberên Kurd bû, hema bêjin alîkariya her kesî kiribû.
Li kêleka karê xwe yê însanî û alîkariyên mirovî, xanimeke Kurdperwer bû, welatparêz bû.
Li Bonnê dijiya, lê di hemû civîn û çalakiyên ji bo Kurdistanê de dihate dîtin.
Ew di sala 1944 de ji gundê Basûtê ji dayîk bûbû.
Dayîka 3 zarokan bû: Vîndar, Çiya û Alan.
Xezal, demeke dirêj bû ku bi nexweşiyeke giran ketibû û roja 27ê Îlona 2019an koça dawî kiriye.
Cenazeyê Xezalê dê roja Şemî 5ê Cotmehê (05-10-2019) di merasimekê wê were veşartin..
