Nihal Yalçın jineke kurd e. Di festîwala Porteqala Zêrîn a Antalyayê de ku salane çêdibe, Xelata baştirîn lîstikvana jin a sînemaya tirkî stend.
Lê belê, ji ber ku Nîhal Yalçinê berê aşkere kiribû ku kurd û elewî ye û pişta HDP’ê digire, planek li serê wê gerrandin.
Gava ku derket ser dikê da ku xelata xwe bistîne, bi awayekî adetî xwast spasiya derdora xwe bike; lê belê lîstikvanê MHP’yî Tamer Karadagli ku hatibû ku xelata wê bide wê, her ji destpêkê ve mahdê xwe tirş kiribû û xwast axavtina wê bide sekinandin da ku “zêde nepeyive”.
Gava ku Nîhala Kurd xwe parast jî mêrik êdî çiv dan xwe.
Piştî wê bûyerê mêrik di televizyonê de got ku Nîhal HDP’î ye û pişta Demîrtaş digire û filan bêvan.
Heger zilamek bûya, Tamer dê newêrîbûya weha bikiraya. Heger jineke tirk bûya jî, civaka rewşenbîrên tirk dê Tamer rezîl bikiraya. Lê, dixwazin Nîhalê biricimînin û wê bikin hedefeke siyasî. Ji ber ku kurd e.
Yanî wî kerî xwast jinekê rawestîne û wê pîs bike. Lê ez dibêjim qey herçend neheqî û bêedebî li jinekê bûye jî, mesele ne bi tenê jinbûna Nîhal Yalçin e, herweha kurdbûna wê ye jî. Eynî mîna meseleya Ahmet Kaya.
Dewr guheriye êdî. Nîhal Yalçin ne bêxwedî ye.
Ji ber wê ye ku doh serokê MHP’ê Devlet Bahçelî pişta Tamer Karadagli girtiye. Karadagli bi xwe got ku ew neteweperest e.
Lewma pêwîst e ku li her derê piştgiriya vê hunermenda kurd were kirin. Hem ji ber ku jinek e û neheqî lê bûye û hem jî ji ber ku kurdek e û neheqî lê dibe.
Rojnameya Yenî Akîtê jî nivîsand ku di filîmekî de rola mîlîtana PKK’ê lîstiye. Yanî rola wê li wê kirine sûc.
Piştî van bûyeran, Nîhal Yalçinê jî vîdeoyek bi strana “keça kurdan” belav kir û reqsa kurdî nîşan da, da ku bibêje ku ew ji wan natirse. Bijî! Keça kurd divê tim weha serbilind be û serî netewîne.
Bûyer li vê lînkê ye https://youtu.be/cvv07QCKOAA
Bi dû re jî siyasîkirin û îtiraf û lînça li ser Nîhal Yalçin jî li ser vê ye https://m.youtube.com/watch…
Ji Facebooka Îbrahîm Seydo
