Li gor ANF’ê, Karayilan li ser operasyonên dewleta Tirk sekinî û got ” Dewleta tirk wekî berê êdî nekare li her derê dixwaze operasyonê bike. Ji ber hêza gerîla û performansa şer a gerîla çend qat zêde bûye. Mînak berê diket gelek qadên Başûr lê niha nikare. Pirsgirêk ne tenê Çelê û Şemzînan e. Ma ka dikare bikeve navber Şirnex û Elkê ku bikeve Başur.” Her weha Karayilan bal kişand ser hêz û Îradeya gerîla û got ku artêşa Tirkiyê êdî nema dikare bikeve her derê û weha berdewam kir ” Niha divê em rastiyekê bêjin. Dewleta tirk vê qebûl nake lê ev rastiyeke. Divê civaka tirk jî vê bibîne. Dewlet û artêşa tirk êdî nekare bikeve her derê. Ji ber ku li hemberî wan hêza gerîla heye. Îradeyeke leşkerî heye. Xwe îsbat kiriye. Ez aşkere dibêjim, artêşa tirk êdî li Kurdistanê nekare bikeve her cihê ku dixwaze. Niha Bahçelî her tim behsa li Qendîlê ala tirk biçîkinin dike. Gelo dê dikare wisa bike? Qey wisa hêsan e? Dest ji Qendîlê berdin, ka hûn dikarin pêşî li Herekolê biçikînin. Niha dem dema rastiyane. Bi van gefên mekanîk û ajîtatîf nekarin tiştekî bikin.” Karayilan der barê mijara parlementerên BDP’ê de jî axivî û diyarkir ku ger ew parlementerên BDP’ê biavêjin, ew jî dê parlementer û siyasetmedarê AKP’ê bigirin û weha pêdeçû ” Niha jî dibêjin we çima hembêz kir, we çima sIlav da û difikirin ku dê ji parlamentoryê bIavêjin. Dê bila biavêjin û em ê bibînin. Bê guman dê bersiva vî gelî hebe. Helwesta gelê kurd li dijî vê heye. Lê ji niha de diyare ku ger tiştekî wisa pêk bê mafê gerîlayên HPG’ê jî heye ku parlmenter û siyasetmedarên AKP’ê bigire.” Û got “Divê ev bê zanîn; Em wekî gel ne muhtacê kesî ne. Li pêş me ne rêbazek, gelek rêbaz hene. Vî gelî zêde nedin zorê. Em bi sebr nêz dibin. Em niha jî şer bi kontrol dimeşînin; em rêbaz û ahlaqên şer li ber çavan digirin û dimeşînin.”
Avestakurd
