Cara yekê ye ku fîrmayeke hewager li Tirkiyê bi îlanan li hostesên ku Kurdî dizanin digere.
Fîrma bi navê Atlasjet, di îlana xwe de, ligel Îngilizî û Erebî, ji hostesên ku zimanê Kurdî baş dizanin jî digere ku bigre kar.
Atlasjetê di îlana xwe de cih da ev îfadeyana: “Şîrketa Anonîm a hewager a Atlasjet, ji bo seferên hewayî yên aliyê Anatolya û Ewrupa a Stenbolê, di şert û mercên ku li xwarê hatine diyarkirin de, wê karmendên jin yên kabînê, çi bitecrube û bêtecrube bigre.”
Şert û mercên Atlasjetê jî wiha ne:
Divê li Stenbolê rûniştî be,
Divê temenê xwe di navbera salên 20 û 33 an de be,
Divê hemwelatiya Komara Tirkiyê (T.C.) be,
Divê ji bo firînê di warê tenduristiyê de ti astengiyên xwe tinebin,
Divê herî kêm bejna xwe 1.68 santîm be û li gorî bejnê kîloyên xwe guncaw bin,
Divê herî kêm dibistana serete qedandibe û kesên zanîngeh qedandine wê bêne tercîhkirin,
Divê baştir Îngilizî, Erebî û Kurdî bizanibe.
AVESTA KURD
