Hat ragehandin ku hejmarek Kurdên Êzdî yên ji ber êrîşên DAİŞ’ê reviya bûn, gehiştine Tel Avîva paytexta Îsraîlê. Li gor rojnameya Yedioth Ahronoth a Îsraîlê, Komîteya Alîkarîkirinê ya Îsraîlê bo Kêmîneyan, kiryarên DAİŞ’ê li hember Kurdên Êzdî wek komkujiyê binav kir.
Li gor heman rojnameyê, hejmara Kurdên Êzdî yên ku gehiştine Îsraîlê zêde ye û daxwaza parastinê ji wî welatî kirine. Roja 3’ê Tebaxê piştî ku çekdarên DAIŞ’ê qeza Şingalê girtin bi hezaran welatiyên navçeyê ji tirsa kuştinê reviyan, ji nav kesên reviyayî nêzîka 60 hezar kes li çiyayê Şingalê asê man û piştre gelek ji wan hatin rizgarkirin.
Herwiha ji ber birçîbûn û tîbûnê herî kêm 60 kesî canê xwe ji dest dan ku piraniya wan zarok û pîr û kal bûn. Niha jî zêdeyî 400 hezar Kurdên Êzdî ji navçeyên xwe koçberî bajarên din ên Herêma Kurdistanê bûne û piraniya wan li parêzgeha Dihok û Zaxoyê di kampan de dijîn. Bas
