Di amara Wezaret Ewqaf ya Herêma Kurdistanê de hatiye ku, ji wan 500 kesî, 100 kes li Sûriyê û Iraqê hatine kuştin û 58 kes ji wan vegeriyane Herêma Kurdistanê û 65 kesên din jî, dev ji wê rêxistinê berdane û berê xwe dan welatên Ewrûpa.
Di vê derbarê de, rêveberê li Wezareta Ewqaf a Herêma Kurdistanê Merîwan Neqişbendî got:“ Li gor wan zaniyariyên ku bi dest wan ketine , di dawiya hefteya bûrî de nêzîkî 20 çekdarên Kurd ên di nav çekdarên DAIŞ`ê de, li deverên Mexmûr û Giwêr, xwe radestî Hêzên Pêşmerge kirin“.
Merîwan Neqişbendî derbarê nasnameya kesên ji Herêma Kurdistanê peywendî bi DAIŞ`ê re kirine got:“ Piraniya wan kesan Feqe û xwendekarên dibistanên Îslamî yên ser bi Wezareta Ewqafê ve ne, lê beşek ji wan derçûyê kolîjên Şerîe, Perwerde, Zanist û Çandiniyê ne“.
Herwiha Merîwan Neqişbendî got:“Heta niha 3 meleyan ji Herêma Kurdistanê pywendî bi DAIŞ`ê kirine û çûne nava wê rêxistinê ku, ew jî ji taxa Daratû ya bajarê Hewlêrê, nehiya Sengeser ya ser bi qezaya Raperîn û navçeya Germiyan ve ne“.
Rêxistina Dewleta Islamî ya radîkal, DAIŞ, di sala 2011-2012 li Sûriyê dirustbûye, piştî ku çend navçeyên Sûriyê dagîrkir, di navîna sala 2014`an êrîşe ser çend navçeyên Iraqê û Herêma Kurdisatnê kirin û di encam de pêarêzgeha Selahdîn û Mûsilê lige hin navçeyên Kurdistanê jî dagîrkirin. Bas
