Haştag yek ji wan xizmetên ku di malperên civakî de ye, ji bo mijarekê yan kesekî tê çêkirin daku her postek ji aliyê her kesekî ve li cîhanê derbarê wê mijarê yan wî kesî de were parvekirin, bi nivîsandina wê Haştagê kesên din dibînin, çûnkî bi klîkirin li ser her Haştagekê, wê hemû mijarên peywendîdar bi wê Haştagê werin dîtin.
Di bûyera Parîsê de, Haştageke taybet bi wê bûyerê hat çêkirin û hemû cîhanê bi karanî ku, JESUISCHARIL# bû bi zimanê Ferensî û bo çend zimanan hat wergerandin, di vê derbarê de malpera Twitterê di ragihandinekê de behsa wê yekê kir ku, wê Haştagê di heyameke kêm de pirtirîn bikarhêner kişandin xwe û jimara pîvane şikandiye, mebest ji vê axaftinê ewe girîngiya bikaranîna wê taybetmendiyê ye.
Ji bo ku, em jî weku Kurd bûyerên xwe bi cîhanê bidin nasîn, pêwîst dike ku kesên pispor Haştagê çêkin û di dema belavkirina mijaran de Haştagê bi karbînin, piştre xelkekî din fêrbikin û li hemû rûpelên xwe li ser wê mijarê binivsînin.
Bûyera şehîdkirina Hucam Sorçî ,Pêşmergeyê Kurdistanê di çend rojên borî de bi wî awayekî hovane ji aliyên çekdarên DAIŞê ve, ti karvedaneke ji wî corî dirust nekir, mebesta ewe ligel belavkirina wan hemû rûpelan, ti Haşatagek nehatiye dîtin, eger Haştagek hebûya û hemûyan bi karbaniya, bi piştrastî bi corekî din dibû, bo nimûne #WeAreAllHujam , çûnkî bi piştrastî ev bûyer li her welatekî din qewimî ba, wê dunya bihejandina, lewima em hêvîdarin ew bûyerên bi ser gelê me de tên, yên xweş û nexweş bo danasîna wan bi cîhanê û wiha bikin ku, cîhanê bihejînin û bilindtirîn rêjeya piştgiriyê tomar bikin. (BAS)
Haştagekê: #WeAreAllHujam
