Sekertêrê rojnamevanî yê Serokwezîr Nêçîrvan Barzanî, Samî Ergûşî di gotareke xwe de behsa serdana vê dawiyê ya serokwezîr ji bo Enqere dike û dibêje, yek ji mijarên herî sereke yên civîna Nêçîrvan Barzanî ligel Erdoxan, pirsa Aştî û Çareseriyê bû li Bakûrê Kurdistanê bû.
Ergûşî di gotara xwe de eşkere dike, ku Barzanî tekezî li ser çareserkirina pirsa Kurdan û serketina piroseya aştiyê kir û ji Erdoxan re gotiye, ku wê ev yek Tirkiyê derbasî qonaxeke pêşketî bike.
Sekertêrê rojnamevanî yê serokwezîr Nêçîrvan di gotara xwe de bi berfirehî behsa naveroka wê serdanê dike û diyar dike ku, Barzanî nerîna Qendîlê derbarê Aştiyê de gihandiye Erdoxan.
Samî Ergoşî behsa dîroka navbênkariya di navbera Qendîl û Enqere jî dike û dibêje, ji destpêka sala 2007an ve Nêçîrvan Barzanî hewl daye navbênkariyê di navbera herdû aliyan de çêke, û wê demê ji Erdoxan re gotibû, rêya çareseriyê di Îmralî re derbas dibe û kurttirîn rê ji bo çareseriyê ewe ligel Ocalan lihev bikin, lewma bi gotina wî, ew hewl bûne destpêka piroseya Aştiyê û vebûna rêya Qendîl û Îmîraliyê.
AVESTA KURD
