Li gor çavkaniyên hatine bidest xistin, nîgeranî heye ku di nav artêşa Iraqê ku li navçeya Mexmûrê hatiye bicîh kirin, hin leşkerên Iraqê di peyvendiyekî rojane de bin li gel çekdarên DAIŞê û bi rêya wan peyvendiyan ve zanyariyên li ser navçeyê bi armanca firehkirina êrîşa tê bikaranîn.
Ev nîgeraniya rayedarên Kurd, di demekî de ye ku di destpêka evsal de hikûmeta Iraqê bi rizamendiya hikûmeta Herêma Kurdistanê hêzekî berfireh li başûrê Hewlêrê ji bo kontrol kirina Mûsîlê bicîh kir.
Fermandarê hêzên Pêşmerge li bereyê Mexmûrê Necat Elî ji dengê Amerîkayê re ragehand: ‘’Çavkaniya DAIŞê ya zanyariyan di nav rêzên artêşa Iraqê de ye, Heşdî wetanî û ew xelkê Ereb ê navçeyê ye.’’
Li gor wî fermandarê Pêşmerge, DAIŞ hebûna peyvendiyên civakî yên bihêz bidest xistiye ku zanyariyan bidest bixê. Got: ‘’Di nav artêşa leşkerî ya Iraqê de leşker hene ku yan bavê wî, yan birayê wî yan mamê wî endamê DAIŞê ye. Egera di nav artêşa Iraqê de pêkhateya dizîna zanyariyan û gehandina DAIŞê heye.’’
Fermandarê bereyê Guwêr û Mexmûrê Sîrwan Barzanî ji dengê Amerîkayê re ragehand, ew bi piştrastî dibêjin, hebûna çavkaniyên istixbaratî ya DAIŞê di nav leşkerên Iraqê de heye û agahiyan û belgeyan kom dikin ji bo wan.
Li gor Sîrwan Barzanî: ‘’Wek belge tu tiştek di destme de tuneye. Lê sedî sed em agahdar in û dizanin ku zanyarî ji bo wan diçe. Di dema borî de wexta ku me civîn pêkanî li gel artêşa Iraqê, radyoyên me û amûrên me yên din hebûna çavdêriyê û veguhastina zanyariyan tespît kir. ‘’
Biryarderê lijneya Asayîş û Berewaniyê li Parlamentoya Iraqê Şaxewan Ebdula jî got; bicîh kirina artêşa Iraqê li Mexmûrê asayîşa başûrê Hewlêrê têkdaye û buye sedemê berfireh kirina bombebaranên DAIŞê.
Şaxewan Ebdula ji dengê Amerîkayê re ragehand, hikûmeta Herêma Kurdistanê nabe rê bide ku artêşa Iraqê belavî herderê bibe li herêmê û nêzîk bibe li rûniştvanan.
Li gor Şaxewan Ebdula: ‘’Dema ku êrîşên DAIŞê zêde buye, diyare û ewa belgeyeke li ser DAIŞ di nav artêşa Iraqê de çavkaniyên zanyariyê hene. Eger na DAIŞ nikare li herêmê tu tiştekî bike.’’
Karzan Sebah Hewramî – BasNews –
