Şêrko Cewdet li ser rûpela xwe ya taybet li ser Facebookê ragihand ku piştî lêkolîna wan, eşkere bû ku dahata wê petrola ku ji bo Îranê tê şandin, çend kes û kompaniyên li sînorê Yekîtiya Niştimanî ya Kurdistanê wan pereyan ji xwe re dibin. Her wiha got, bi razîbûna kompanya neftê ya bi navê Bakur û hikûmeta Îraqê ew petrol tê şandin. Rojane jî 30 bermîle û dahata wê ya mehane jî 30 mîlyon dolar e.
Hevsera Talabanî, Hêro Îbrahîm Ehmed jî bi dizî roja 19.08.2016 nameyek ji serokwezîrê Îraqê Heyder Ebadî re şandiye û jê daxwaz dike ku nehêle petrola Kerkûkê di ser herêma Kurdistanê re derbasî derve bibe. Li ser daxwaza wê şandina petrola Kurdistanê hatiye sekinandin, û wê yekê ziyaneke mezin gihandiye aboriya Kurdistanê.
