Marlen Bojurna ji bo betlaneyê ji Norwecê hat Antalyayê û biryar da ku bi Ferman Abiyê şirnekî yê ku li otêla ku ew lê dima dixebite re bizewice. Bojurna di daweta xwe ya li quntara Çiyayê Katoyê ya li navçeya Beytuşebabê bû misilman.
Ferman Abî (26) 13 sal beriya niha li Antalyayê bi cî bû û li otêla xizmekî xwe dest bi xebatê kir. Ferman Abî 3 sal beriya niha Marlen Bojurnaya ku ji bo betlaneyê ji Norwecê hatibû nas kir û bi wê re bû heval.
Her du hevalan piştî demekê xwestin ku bi hev re bizewicin û bi tesdîqkirina malbatên xwe biryar dan ku li gundê Cevîzagaça li quntara Çiyayê Kato ya li ser navçeya Beytuşebabê ye daweta xwe bikin.
Diya Bojurnayê Arne û bavê wê John jî keça xwe di vê roja girîng de tenê nehiştin û ji Norwecê ji bo dawetê hatin gundê Cevîzagaçê.
Şaredarê Beytuşebabê Yûsûf Temel, malbatên mezin yên herêmê û xizmên wan hatin dawetê û daweta wan bi qasî du roj û du şevan berdewam kir.
Bojurnayê di dema mehrbirînê de eşheda xwe anî û bû misilman.
Vexwendiyan li gor kevneşopiyan xelat bi bûk û zavayê ve kir. Di dawetê de dê û bavê bûka norwecî 85 hezar lîre pere bi bûk û zavayê ve kir û bi tevahî 255 hezar lîre pere bi xelat dan wan.
Bûka norwecî û zavayê şirnaxî gotin ku gelekî dilşad in, zewaca li quntara Çiyayê Katoyê hesteke gelekî xweş e.
Bûk û zavayî malavahiya vexwendiyan kir û piştî dawetê vegeriyan Antalyayê. (AA)
