damezrandina bingeheke niştîmanî mêvandar ku welatiyên bi tirs ji guhertinên mezin li Herêmê hembêz bike dikarê koşeyên koçberî hinekî teng bike.
berpirsê yekem di vê mijarê de desthelat e yê duyem opozîsyon e .. û li dawî ew welatiyê ku hîn derfeta berxwedana jiyana rojana li pêşî heye .. û helbet ti pirs ji kesên ku ji birçîbûnê û tirsê berê xwe dide welatên cîhanê nabe.
di meydana di navbera azadiya her kesekî ku cihê jiyan û mayîna xwe hilbijêrê û mayîna neçariyê bo kesên ku bêrîka wan alîkariya koçberiya rîya dirêj nake , desthelat dikare rolek mezin bilîzê bi vekirina pincereyên nû û zelal di dîwarên peywendiya desthelat\gel dûr ji mêjiyê kevneperest ku roj bi roj bandora wî li peywendiya navbuhurî lawaz dibe . desthelat wek ku tê naskirin di nêrînên nûjen de ( dezgeha bicêkirina daxwazên civakê ).wêne û şîroveyê kesên ku sîrorên di navbera cehnemê ( welat ) û cinetê ( Ewropa ) derbaskirine bi hêsanê berav û deryan derbas dikin bi riya asoyên medyaya civakî . ev jî astenkeke pir zîrek û bê rehm li hember destheelata îdolocî derdixê, ku wê pûç dihêlê tev siloganên kêm qîmet.
opozîsyon jî hêzkirina lawaziya xwe dispêrê wedabûna xelkê ( bingeha hêza yekem ) û şaştiyên desthelata fetsî bi sloganên bê sînor û belkî bê wate wek ( netewa demokrat ) . opozîsyon di vê rewşê de bê kirin dimîne . ya xerabtir ku xwe nabînê bi hewceyî guhertinekê ye li ser hemî astên beramberbûnê .
cemeda opozîsyonê di vê qonaxê de cûdabûn û tenêbûna wê pir kûr dike. û gokê dajo meydana gelê perîşan yê ku gelekê dûre ji guhertinên bi riya dengdanê ye wek ku şaristanî vê daxwazê bi wan dispêrê .ev mijar civakê bi tevahî ( desthelat , opozîsyon . gel ) dajo ber bi wendabûna nasnameyê .
li dawî yê û wek hemî caran di zîvrandinên teng di dîrokê de hêzên xwedî baweriyên berfireh basêkên bûyerên girîng diajotin li gor berjewendî yên xwe û herwiha li dawî yê koçberiyê kesên bêçare dixistin xizmeta xwe.
Mihemed Nebo
Nivîskar – Kobanî
